Nú geta jólin komið...

ég er nefnilega búin að taka til hátt og lágt, tæma alla skápa og hillur og raða aftur. Ég er líka búin að kaupa allar jólagjafirnar, keypti þá síðustu fyrr í dag. Svo ætla ég að nota morgundaginn í að pakka jólagjöfunum inn. Já krakkar mínir jólin eru alveg að koma þrátt fyrir að veðrið sé ekki alveg sammála mér.

Annars var skroppið í bíó í gær á Nativity story. Ég held ég verði að fara að gera hluti með einhverjum öðrum en þessum, hann er alltaf búinn að blogga á undan mér, sem sýnir hvað það er mikið að gera í þessum próflestri
En að myndinni... hún var nú bara nokkuð góð og raunveruleg á margan hátt myndi ég segja... það eru þó nokkur atriði sem mér finnst merkileg.

1. Alls staðar talar fólk ensku núorðið
2. María vildi alls ekki giftast Jósef, enda virðist rómantísk ást alltaf vera eina rétta svarið í bíómyndunum.
3. Það vantaði englasönginn hjá hirðunum... "fjöldi himneskra hersveita, sem lofuðu Guð og sögðu: Dýrð sé Guði í upphæðum og friður á jörðu með mönnum sem hann hefur velþóknun á."
4. Priests of all priests var þýtt sem prédikari allra prédikara, undarleg þýðing.
5. Börn á þessum tíma fæddust augljóslega ekki með naflastreng

Athugasemdir

[Þráinn (IP-tala skráð) 20.12.2006 kl. 10:02]

Nei, naflastrengurinn ku vera frekar nýlega til komin, ég sem hélt að allir vissu þetta

[Tinna Rós Steinsdóttir, 22.12.2006 kl. 23:50]

Heyrðu, skemmtilegt......þetta voru einmitt atriðin sem ég velti mjög mikið fyrir mér á þessari mynd! Vá hvað við erum like tótalí eins skilurru!

Mér fannst það neflinlega líka alveg stórmerkilegt að María hafi ekki viljað giftast Jósef til að byrja með, ég einhvern vegin hafði aldrei hugsað útí það einu sinni! María og Jósef voru ekki einu sinni ástfangin til að byrja með......hvernig eigum við hin að eiga möguleika?? ;)

María var líka bara allt allt allt öðruvísi en ég hafði séð hana fyrir mér! En þetta var góð mynd ;)